11‧17港中大戰一票難求，愈近開波，炒價愈貴，有人喺Facebook「演唱會門票交易平台（自由市場）」群組放飛，有球迷問價，獲回覆1,700元一張，比原價150元貴咗近12倍！另有網民指，上星期要2,400元兩張，如只買一張就要1,300元，到昨天價錢飆升，有網民揚言要報警。
其實當日想趁熱鬧同其他球迷一齊打氣，不妨去睇「街坊劇場」，好多區嘅facebook群組都有搞，大家可以參考參考。
此外，警方為防範賽事期間發生衝突，已部署1200警力戒備，600人主要負責場外保安工作，餘下是後備警力。據悉，足總、康樂及文化事務署本身亦聘請200名保安人員負責場內保安。