香港人上車難，搞到好多港人都唔開心，快樂指數當然箭嘴向下，作為「快樂王國」的不丹又係點情況？原來不丹居民一樣上唔到車，但就見佢地冇乜所謂。
小弟做體記周遊列國，今次因為港隊作客不丹的機會，終於踏足呢片樂土，實在感謝PAM Holidays安排，我亦知道好多朋友都好羨慕，令我時刻警惕今次絕對唔係來玩，要以工作行先。
港人對不丹的興趣，或者可以講講樓價，就呢個問題，當然要請教不丹問題專家導遊Kezang，佢指住帕羅最旺一條街同我講：「呢度是但一個單位，閒閒地2、300萬港元，不過我地係唔會買嘅，因為月租只有大約3千蚊。」Kezang仲點醒小弟，不丹人唔崇尚物質生活，所以長期都咁快樂，上唔到車？咁又點喎！