完場前枉輸十二碼港足惜敗
香港隊為備戰下周世界盃外圍賽C組作客不丹賽事，昨晚香港作客泰國，完場前被判罰一球問題十二碼，最終以0比1負主隊。不過港足賽前有好消息下仗對手不丹前晚不敵馬爾代夫後炒日籍領隊築舘範男，球隊要換帥戰香港，再加上中國以0比1不敵卡塔爾，益香港升上C組次名，港足下周以「二哥」身份作客不丹，可望輕鬆贏波鞏固優勢。
中國「歎冷氣」不敵卡塔爾
昨日凌晨中國作客0比1輸畀卡塔爾，分組賽4戰得7分只排第3位，香港隊喺同分同得失球下，以較多入球壓倒中國升上C組第2位。中國隊賽前拉隊去杜拜集訓，希望適應卡塔爾嚴熱天氣，點知開波前一日先知道，卡塔爾個球場會開冷氣，比賽期間氣溫降到20度，中國主帥比連都話：「早知開冷氣，我哋留番北京備戰啦！」
至於不丹3比4不敵馬爾代夫，爆出比賽中臨時易帥風波！今場比賽不丹在上半場落後0比3，半場期間傳出日籍主教練築舘範男被「雪」消息，下半場改由球隊經理Hishey Tshering領軍，不丹最終在輸0比4劣勢下連追3球，挽回多少面子。對於今次臨陣易帥奇聞，Hishey Tshering賽後記招透露：「上半場球隊失衡，很多球員踢了不擅長的位置，我建議教練變陣，但他沒有回應。」不丹足總秘書昨日表示築舘範男被炒，但未證實是否向日本足總發送正式文件，有消息指築舘範男已經獨自離開不丹大軍的酒店。