心齋橋罰做掌上壓最難忘
32歲的Gary與黃耀富、陳偉豪等分屬體院足球部舊隊友，當時司職防守中場的「偉豪」，與踢Keyman的Gary一攻一守並肩作戰，Gary卻笑偉豪細個啲波麻麻哋！問到「偉豪」可有不服氣？「偉豪」卻直言：「Gary係有啲波底！以前體院好多精英，我並唔算頂尖一群，只係後來各有考慮，佢哋至未有繼續踢波。」
回首往事，Gary難忘出外到日本比賽，因有個別球員遲到連累整隊受罰：「我哋喺大阪心齋橋被罰掌上壓，好多人望住！不過我亦因此領會Teamwork嘅重要。一旦傳失一腳波，可能會連累失球，但只要大家一起追番個波，亦可扭轉敗局。我同我啲生意夥伴亦係咁，大家要無分彼此做好同一件事。」