碧加死咬唔放，繼續追擊費達拿！繼6月溫網前開名炮轟「費天王」扮好人後，祖高域教練碧加近日又鬧爆費達拿，斥責其新接發球技術「唔尊重對手」：「如果佢喺我個年代用咁嘅方式開波，可能會畀對手回擊嗰陣瞄準佢身體打落去。」
強勢打入美網4強的費達拿最近採用一種新的接發方式，就是衝上前打窩利抽擊回波，這種技術上月在辛辛那提網賽冠軍戰，正正絕殺了碧加愛徒祖高域，難怪他老人家「葡萄」又躁爆。「佢咁樣接發球根本就唔尊重人，雖然所有人都話呢種只係一項戰術，冇違反球例，但我嗰代嘅球員係接受唔到。」向來口沒遮攔的碧加無故發飆，勢令祖高域和費達拿的矛盾加深。
女單方面，由於天雨關係，原定當地時間周四舉行的兩場4強戰須延至周五上演，勝方球手翌日即要出戰決賽。