王婉悠選美天后

內地嫩模人數眾多,能夠喺呢個競爭激烈嘅環境中突圍而出,真係少啲能耐都唔得。正如人氣模特兒王婉悠咁,並非單憑出眾嘅外形,就能夠喺模界稱后,更要不斷參加選美比賽,脫穎而出,先至可以佔有一片天地。若然本身冇咁嘅實力,試問又點能做到呢?

出眾迷人

今年25歲,英文名叫Queen嘅王婉悠,出生於北京嘅佢不但擁有標致嘅五官同純真嘅氣質,火辣身材更係令人一見難忘。除此之外,佢嘅語文能力亦相當出色,事關畢業於西安外國語大學嘅佢,不但能操一口流利英語,仲精通法文同意大利文。當然,大家最為關注嘅始終係佢迷人嘅外形,而憑住天賦嘅本錢,不但獲得平面媒體嘅注意,先後為多本時尚、服裝及男士雜誌,拍攝令人流晒口水嘅性感照,並且經常喺網上發布令人心跳加速嘅火辣寫真,並贏得極高人氣。不過有別於其他模特兒,雖然佢嘅人氣不斷飆升,但始絡都冇朝演藝界發展,反而頻頻同雜誌及平面媒體合作,而據佢解釋暫時仍未有演戲嘅打算,反而希望集中火力,朝住中國第一模特兒嘅夢想發展。

愈戰愈勇

喺好多人眼中,改得Queen呢個英文名,佢哋往往性格霸氣十足,唔知王婉悠又係咪咁呢?佢嘅霸氣並非展現喺性格上,而係喺選美會中表現出嚟。事關關於佢嘅選美會參賽資歷,真係有排講,當中包括先後喺2010年及2011年嘅百代流芳模特大賽全國總決賽中獲得最具潛力獎及季軍、2013年新絲路模特大賽河北省分賽亞軍、2014年中國旅遊小姐大賽山西賽區季軍、中國足球性感寶貝大賽總亞軍、環球比基尼小姐大賽中國區總決賽季軍、2015年中國旅遊天使大賽推薦選手等,有好多獎項仲未列出嚟。從上述各種選美榮譽中,不但可以印證佢嘅外形幾咁得人讚賞,更說明佢對自己嘅天賦本錢極有自信,否則點可能不斷透過參賽嚟挑戰自己,並且愈戰愈勇呢!

個人微博

咪睇王婉悠外表斯斯文文,查實佢寫真嘅意識相當大膽,只因佢對自己嘅外形相當有自信,並且希望獲得大家賞識。正如佢喺微博上表示,如果大家鍾意佢嘅話,不妨幫佢轉發過千張火辣寫真相出去。既然佢都開到聲,大家又點可以唔以行動支持佢呢?

網址:www.weibo.com/u/3893571172

王婉悠Profile

出生地:北京

身高:170cm

三圍:35、24、35

撰文:魂