葉子俊堅守鄉土情錦標夢
港島電車被指阻住前進、「元朗米」亦因收地恐成絕響，發展二字在香港大過天，元朗中場葉子俊家族長居元朗八鄉，發展的巨輪早已輾過這片鄉土，這位原居民親歷水貨客「入侵」大馬路、高鐵工程毀掉滿載童年回憶的農地，卻始終心繫家鄉；他對深愛的足球同樣堅守，即使球員生涯多年來叫好不叫座，仍希望在「家鄉球隊」元朗闖出新天地！
無奈接受環境變遷
「呢檔腸粉好食，平時通常老闆娘看舖；後面仲有間拉麵，練完波都去食，好正o架！」走進錯綜複雜的元朗內街，葉子俊隨口數出大堆「元朗人」才認識的美食。「子俊」在元朗成長，自小發球星夢，年少時常與朋友到區內街場「跟隊」，但這片土地近年已經歷巨變：「之前真係好亂，好多水貨客，行人路根本行唔到！有無見過『七仔』會執？執咗兩日就變咗藥房。」近年常惹爭議的高鐵工程，亦「入侵」葉子俊所居的村落：「我住嗰度以前全部田嚟，依家幾十畝都係地盤，環境好差，好唔鍾意，細個踩單車啲路都封咗！」
元朗自然風光買少見少，這位中場亦只好無奈接受：「會懷念以前少啲人嗰陣，有人話遲啲大棠同南生圍會收嚟起樓，所以依家去多啲……要發展，都無辦法。」但「子俊」表示，未有打算離開這片成長樂土：「對元朗有感情嘛，由細玩到大嘅朋友都喺度，住咗咁多年係舒服啲！只要繼續留喺香港，就唔會搬去出面。」
繼續打拚望盃賽突圍
除家園經歷巨變，葉子俊亦已步入球員生涯晚期，他効力屯門及太陽飛馬時球技均備受讚賞，惟除在「摩力克時代」短暫入選港隊，就未有太多亮點，近年効力太陽飛馬又與錦標無緣：「當時對（太陽）飛馬好有期望，因為係最當打嗰幾年，仲想喺飛馬踢到唔踢，球會所有嘢都好專業、球員高水準，諗住一定攞到冠軍，好可惜，離開時都有諗過係咪已經發完夢。」今季加盟家鄉球隊元朗，規模雖不及舊東家，但他仍拒絕放棄爭標：「攞聯賽冠軍一定好難，睇吓盃賽有無機會，點都要抱住希望！」
圖、文：Eden