港女全勝今日決戰北韓
Panasonic第十七屆亞太區水球賽昨進行第二天賽事，衞冕的香港女子隊在小組賽所向披麾，連勝中華台北、北韓及香港B隊，以全勝姿態晉級決賽，今日下午與北韓爭冠軍，其中港隊前鋒鍾善瑜三仗攻入12球，大有機會問鼎「得分王」寶座。
鍾善瑜得分王叫胡
鍾善瑜現修讀理工精算學碩士課程，加入港隊已三年，她表示打水球與游泳的最大分別是要「硬淨」：「打水球想打得好，游水快係唔夠，最重要是硬淨，隊友配合亦很重要。」今屆賽事大有機會成為「得分王」，個人總入球亦可能超過15球，不過她始終最想贏冠軍：「上屆港隊在決賽與北韓打和，戰至互射點球才獲勝，今屆我們已在小組賽贏過北韓，希望決賽贏波捧盃。」
其實港隊「絲打」們比賽之餘仲好玩得，場內一個C朗廣告牌，竟然披上港女泳裝，相當搞笑，小組賽結束後，港隊與港B隊約埋大合照盡顯團隊精神。