嗰頭一話推出新版百蚊人仔，呢頭即刻成為城中熱話，你話銀紙嘅魅力幾咁大！不過話說回來，百同Hundred呢個字又點止同金錢扯上關係呢？喺情色字海中，亦有唔少代表性嘅俚語，甚至喺百年前出生嘅脫星，佢所演出嘅作品至今仍成為經典。
如果按字面直譯，「Hundred Acre Wood」解做面積達一百畝嘅森林，話明係情色俚語，意思又點會咁正經兼容易畀你估到呢？佢另一個意思其實專指喺野外走後門嘅玩法，例句：He went all hundred acre wood on me.（佢同我喺野外玩走後門。）雖然唔知好此道嘅外國人有幾多，但可以肯定唔係個個都受落。話說有套由美國四仔片商Midnight Film & Video，喺1998年推出嘅重口味作品《World's Biggest Anal Gang Bang》，搵嚟著名脫星Brook Ashley以後門迎戰50位男優。本嚟諗住呢個題材夠爆兼夠噱頭，點知作品卻喺1999年嘅XRCO頒獎禮中，被評為年度最差四仔，真係令人跌晒眼鏡呀！
時速100哩究竟有幾快？即係約160.93公里咁快！不過大家咪以為「100mph Club」係一班鍾意極速賽車體驗嘅同好會，查實佢係指一種極其危險嘅玩法，就係喺一輛高速行駛中汽車內車震。呢種行為固然相當冇責任感，事關駕駛途中絕對唔可以咁做，相對嚟講，喺安全兼唔會影響他人嘅地方停車後先至曳曳，咁就會安全得多。就好似加拿大二手汽車買賣網站autoTRADER，早前就做咗個關於當地人車震習慣嘅調查，發現超過1,500位受訪者中，有多於三分之一人表示曾試過車震，而有六成三屋企擁有四架車嘅人更表示，起碼有一次以上嘅車震體驗。
喺距今一百年嘅丹麥，有位至今艷名遠播嘅歐洲艷星出世，佢就係誕生於1915年9月22日嘅傳奇艷星Sigrid Horne-Rasmussen。年輕時擁有俏麗外形，最早以舞台劇演員身份出道，其後開始參與電影演出。當時已頗有名氣，及至50年代開始參演色情電影，並且有裸露嘅演出。憑住出色嘅演技及保養得相當好嘅身材，最重要係佢挾住主流演員嘅名氣，令人氣極速飆升。多年嚟演出過多套色情喜劇電影，代表作分別有1973年嘅《處女的奇迹》及1975年嘅《金牛的孩子》。Sigrid喺1982年4月24日離世，所演出嘅作品至今仍被奉為經典之作。
邊個話AV女優唔識得演戲？好似百合川沙羅就係一個好例子。講到呢個名大家可能有啲陌生，只係話佢最初以茅崎艾莉絲之名出道，大家應該會對呢位有樣有身材嘅女優有番晒印象。話說1987年3月3日出生，喺2007年投身AV界，並由AV片商Prestige為其推出處女作《Tokyo 流儀 #35》。可惜嘅係佢雖然擁有出眾身材，以及迷倒唔少AV迷嘅樣貌，但其後卻因經理人公司改組關係，以致佢發展受到極大影響。及至2013年，改投另一經理人公司VANQUISH，以新藝名百合川沙羅再戰AV界，並喺一套超倫理作品中憑住出色嘅演技，再次獲得大家嘅注意，成為AV界中嘅演技派。
撰文：魂