重返銀石起步點 方駿宇信心滿瀉
「港產車王」方駿宇，贏完GT亞洲系列賽岡山站冠軍後，昨日到F3起步點銀石，參加GP3英國站。再次回到這個場地，Adderly明言已「熟晒路」，信心大增，誓要再創好成績。
Adderly在岡山首奪GT亞洲系列賽冠軍，即刻馬不停蹄走到英國參加GP3賽事。這位25歲車手昨日練習賽前，接受本報訪問時表示，回到F3起跑點意義重大，又稱回到銀石信心大增，有望造出比前兩站要好的成績。他說：「08年起就喺呢度練習，返到嚟自己熟悉嘅場地，信心都大啲。」
F1練習賽洛辛保飆最快圈速
數到在銀石最難忘的事，Adderly就表示非2011年GP3練習賽莫屬：「雖然當時只係練習賽，但係好大雨，唔識點造出快嘅圈速，所有（雨天比賽）嘅嘢，都係喺呢度學返嚟。」
方駿宇今次英國之旅，行程除了參加GP3排位賽兩個回合外，稍後亦會前往牛津大學訓練基地，以及蓮花F1訓練中心受訓，並且在蓮花車廠進行模擬器實習工作。
另外，F1英國站昨亦假銀石賽道上演2場練習賽，德國平治車手洛辛保兩仗皆飆出最快圈速，為今日出戰排位賽注下強心針，反觀主場上陣的「黑帝」咸美頓賽得一場第2、一場第4。
（now 672周六晚8時直播排位賽）