文彼得投飛馬任領隊兼球員

33歲的文彼得外號「Man Pei」，自1999年在傑志出道以來，是球圈中公認的帥哥。雖然過去比他更年輕便「卸甲」的球員多的是，但立即轉任球會管理層的卻十分鮮見。「希望可以邊做邊學啦！竟畢喺呢個崗位上，好多人與事對我嚟講都係全新體驗！」

文彼得稱「就算唔係有呢個機會（指出任飛馬領隊），我都計劃咗轉換工作環境，依家有機會做領隊兼球員咪仲好，我平日應該會照跟大隊操練，繼續喺球場上攞滿足感，但當然係會將領隊嘅工作擺喺首位啦！」據悉，飛馬新一季的教練團人腳，包括港隊龍門教練范俊業等，文彼得很有信心與一班拍檔合作愉快：「希望飛馬可以喺聯賽打入三甲，同捧到一個盃賽冠軍啦！大家要支持我喎！」

空姐女友恨睇場上英姿

事業有新挑戰，情場亦得意！「Man Pei」兩個月前與任職空姐的Alice墮入愛河！在facebook公開戀情當日，收到友人「洗版式」祝福，文彼得說：「雖然好多留言都係無厘正經，但其實大家都係戥我開心。我又真係好開心，多謝大家！」Alice亦十分支持他擔任飛馬領隊，也很希望欣賞到男友在場上比賽的雄姿，他說：「佢未睇過我比賽，話好想睇吓我有幾勁！……可能係因為佢成日聽到我講話自己好勁，想知我有冇講大話啦！哈！哈！」

文：戴陶蔚