「大帝」送禮變倒米，點搞呀？勒邦占士早前好心送禮物給一班隊友，當是騎士殺入總決賽的獎勵，豈料「擺烏龍」忘記自己係三星代言人身份，竟大送蘋果Apple腕錶，被傳媒恥笑倒自己老細米，令占士的團隊急急出面澄清，並再送三星手機「補鑊」。
美國傳媒日前爆料，指「大帝」在總決賽開打前化身「送禮帝」，請隊友一齊「恤個靚髮」之餘，又送Apple手錶給每位隊友。不過，占士現時身為Apple死敵三星代言人，送死敵產品有如倒米。「大帝」日前被問時回應：「我只係好彩，可以同好多一流大公司合作，有時佢哋會送嘢畀我。無論畀乜嘢我都好，我都會同隊友分享，呢個係我同一班兄弟嘅相處方式。」
占士如此回應，莫非他「食兩家茶禮」？占士助手聞言即時澄清，指Apple手錶是「大帝」過去的商業夥伴、耳機生產商Beats的禮物。如今Beats被Apple收購，因此送Apple手錶實在無可厚非，但為了平息事件，他們還是向騎士球員派發三星最新手機，算是「亡羊補牢」。