大埔博留級流浪話題多
主隊和富大埔上一輪已宣布護級失敗，但隨着太陽飛馬唔知易主易成點，天行元朗同YFC澳滌下季點又未明朗，有冇兩支港甲球隊升班亦係未知數，種種因素令和富大埔有機會「降班失敗」，為爭取包括足總挽留等各方支持，和富大埔今日踢場好波，有咩咁奇呀？
至於標準流浪接連傳出負面消息，一時被指刻薄球員扣薪住劏房、一時會長莫耀強插球隊管理架構不善、一時總監李輝立反指被針對；呢頭傳出會方躁咗唔再搞，嗰頭又話決定「一開二」搞巨型班同青春班各一，昨晚又話球員賽後可以自由轉會！今日賽後，睇吓當事人有咩發表都夠過癮啦！