無國界球迷
七欖期間，香港大球場就係全世界的縮影，小小一個南看台幾乎可以搵齊來自全世界嘅球迷，持續三日嘅派對又到結束時候，本報搵到三組球迷傾幾句，順便叫佢哋為賽事評分。
看台有異味美中不足
右邊女孩子係Kellie，中間同左邊係Album同Daniel，Kellie係居港澳洲僑民，今次特別招呼兩位來自新西蘭嘅男性朋友入場睇波，佢話：「兩位朋友在香港玩得開心到極，對香港留下極佳印象。美中不足係看台經常有陣陣異味傳出，廁所又逼爆，不過整體來說好好玩」。
開心指數：4★
斐濟睇波團做埋旅遊Sales
斐濟球迷團係場內最人多勢眾嘅外國族群，人數過千，但原來以呢個數十人嘅群組最巴閉，因為佢哋係球隊贊助斐濟航空嘅睇波團，右邊嘅女士NAQASE話：「我們呢班人每年都來香港睇波，資歷最淺都有十年，斐濟來港只需十小時，你哋香港人都應該多啲去斐濟玩呀。」
開心指數：5★
南非fans：香港七欖一生必去
南非係世巡賽爭標勁旅，來自南非嘅睇波團原來相當「有米」，最右邊嘅Coetzee話：「香港實在好好玩，食物啤酒又平，經常聽人話香港七欖係一生人必須要去一次嘅地方，的確冇錯，今日臨走前，我會向酒店預訂明年嘅房間，再嚟玩過。」
開心指數：5★