超人復操火箭醒神執金
火箭昨仗作客鬥金塊賽前，主帥麥希爾宣布好消息，就係「超人」杜域侯活已到球場復操，雖然只是低強度的個人訓練，但情況令人鼓舞，麥帥更認為「超人」可以趕及常規賽結束前復出。受到此利好消息刺激，火箭昨仗對金塊打得異常醒神，於占士夏登貢獻28分下以114比100擊敗對手，更重返西岸第3位。
期望常規賽結束前歸位
由於右膝蓋水腫問題，杜域侯活自1月31日後一直處於「休戰mode」，2月初更接受骨髓穿刺注射治療，之後立即進入復健進程。當時火箭方面表示，「超人」需缺陣4至6星期左右，而其康復情況要在4周後重新進行評估。不過，麥希爾早前接受《休斯敦紀事報》訪問時透露，杜域侯活做踩單車及跑步機訓練時狀態不錯，但未知何時會完全康復：「佢一個人做緊啲球場上嘅訓練，能否做更激烈操練就視乎佢嘅膝蓋承受程度。」
麥帥表示雖然不知「超人」何時可正式復出，但期待他會於常規賽結束前重返球場；至於「超人」則對自己狀況感到樂觀，揚言好快會「返嚟」！
火箭獲得杜域侯活已進行訓練的消息帶動，昨仗作客鬥金塊打得非常積極，於占士夏登貢獻28分、4個籃板及7次助攻，加上後備上陣的哥利比華轟入24分，助球隊以114比100擊敗對手取得兩連勝，同時重返西岸第3。