狼窩爆棚喜迎加納特歸位
「狼王」歸位首戰得到完美結局！加納特時隔8年重披木狼戰衣，於昨日主場對巫師一戰獲「狼迷」盛大歡迎，令這位不苟言笑的老將都罕有地笑逐顏開。木狼得「狼王」回歸，表現特別「醒神」，終憑奇雲馬田攻入全場最高的28分，以97比77怒炒巫師。
成隊生晒大炒巫師
加納特在2,879日後再披木狼戰衣，即時令球場爆滿。班主格蘭泰萊更在賽前對這位於木狼出身的球星說：「今晚係屬於你嘅，盡情享受就得喇！」當播道員宣讀正選名單讀到加納特的名字時，全場球迷更一齊起立拍手歡呼，令平日在球場惡形惡相的加納特，都露出少見的笑容。加納特今戰只上陣19分鐘，7射2中得5分，還貢獻了8個籃板、2次封阻，助木狼以20分之差大勝。
「狼王」賽後難掩喜悅之情，感激球迷支持：「之前我代表塞爾特人或籃網返嚟呢度比賽，都太專心應付比賽，一直都冇留意到球迷原來仲咁愛我，今場球迷嘅支持真係好勁。我唔知呢個城市咁掛住我，真係好感動！」加納特回歸首戰告捷後，將會移師到芝加哥，香港時間周六作客公牛。
