36歲高比GameOver？
經過漫長的考慮和先後與兩位醫學專家會診後，36歲湖人球星高比拜仁終於作出決定，將於當地時間周三早上接受肩部手術。不過，湖人未有公布「小飛俠」預期復出時間，但由於這種手術康復期約五至六個月，意味高比將會提早收咧。不少媒體皆睇淡「小飛俠」來季可以復出，但球隊主帥史葛及《洛杉磯時報》記者皆持相反意見，更指高比會在今夏助「紫金軍團」招攬大牌球員加盟，下季強勢回歸！
高比拜仁於上周四對塘鵝的賽事中受傷，經檢查後確認右肩旋轉軸第三塊肌肉撕裂。「小飛俠」昨日再接受著名運動康復專家Neal ElAttrache覆診，最終被確認為同樣的撕裂，並同時建議高比進行手術，不少媒體估計此手術需至少六個月的康復時間，意味「小飛俠」將提早收咧。
做說客招攬球星加盟
作為五屆NBA總冠軍及前常規賽MVP，高比拜仁職業生涯已經遭遇了二十次大傷。近年飽受傷患困擾的「小飛俠」，已連續三年因傷提早收咧，這亦為高比下季能否回歸賽場增添疑問。不過，湖人主帥史葛堅信「小飛俠」能夠捲土重來：「我哋知道佢有幾艱難，但高比就好似戰士一樣，我會為佢祈禱，希望手術順利同盡快歸隊。」至於洛杉磯時報記者Mike Bresnahan則指高比拜仁不會選擇退役：「高比身邊嘅人都肯定佢會喺下季返嚟，因為佢冇打算就咁退役。同時高比仲會喺今夏幫湖人喺自由球員市場招攬大牌球員。」
事實上Mike Bresnahan的預測亦頗符合高比拜仁的性格，「小飛俠」向來偏執且好勝，而且從不會臨陣退縮。事實上，高比絕不允許自己被傷病擊倒，之前已經證明過兩次，今次相信依然會成功。除了「小飛俠」外，黃蜂控衞甘巴獲加因膝部受傷計劃做手術，至少休戰六星期，大大打擊球隊爭入季後賽的機會。另外，由於紐約受大風雪影響，昨日紐約人鬥帝王及籃網對拓荒者兩場賽事都要改期，分別延遲到三月四日及四月七日進行。