農曆新年就快到，火箭同勇士食住呢個新年檔期齊齊推出中文字波衫，仲會喺農曆新年期間舉行嘅賽事着上呢件波衫出賽。火箭波衫以紅色為主，仲搵嚟姚明做生招牌，大家打完波着埋呢件波衫去拜年都仲得。至於勇士方面就以黑色為主色，心口位置配上紅字「勇士」，波衫兩旁仲加上中國傳統嘅花紋，設計上可以話係落足心機。