東網波馬靚女多 玉女主持性感小貓靚爆鏡
ontv東網電視體育台和馬經台人靚料正！今個禮拜體育台《英超美女戰隊》有now TV體育台玉女派主持嘉殷拍住性感小貓Yennie，馬經台《馬友友》就有「馬圈最靚爆鏡」、now 688賽馬台嘅美女主持莎拉，呢位人靚聲甜嘅靚女今次仲會親自講你知今周有乜心水，大家即刻去睇片喇！
體育台《英超美女戰隊》：摩打手大戰細蓉姐
《英超美女戰隊》鬥包雲吞？大家唔好以為佢哋傷風喎，其實now TV體育台主持嘉殷同Yennie今集殺入佐敦新開嘅「嚐麵」，除咗品嘗一下呢碗連譚校長都捧場嘅招牌雲吞麵之外，亦會進行一場「包雲吞」大戰，Yennie自封「摩打手」，嘉殷就號稱「細蓉姐」，欲知勝負如何，即刻睇片。
馬經台《馬友友》：莎拉發功 訴心事 畀心水
講馬近年已經唔係男人專利，大家睇吓莎拉就知喇！想知莎拉講馬有幾叻、平時有冇向男友楊明綸攞料，即刻上馬經台等莎拉親自話你知，而且馬經台仲有莎拉親自推介周日心水，記住留意喇！