加素打沉快艇灰熊做一哥
【本報綜合報道】灰熊昨晨作客快艇，憑中鋒馬克加素貢獻30分及12個籃板的「雙雙」成績，最終以107比91大破快艇，於西岸做「1哥」之餘更於聯盟獨領群雄。馬克加素今季表現出色，令塞爾特人等球隊都對這位今季季後成為自由身的「狂牛中鋒」虎視眈眈。不過，灰熊管理層已明言會全力爭取與馬克加素續約，更叫其他球隊不要妄想！
季後自由身多隊吼住
馬克加素今戰手風甚順，全場18射13中轟入30分，並摘下12個籃板，帶領灰熊以16分之差大勝另一西岸勁旅快艇。今年29歲嘅馬克加素季後屬自由身，多支球隊都想得到呢位「西班牙狂牛」。塞爾特人控衞朗度更向球隊要求，若球隊想成功重建一定要傾盡全力簽得馬克加素；有傳馬刺亦想撬佢為「後鄧肯年代」作好準備。
雖然馬克加素成為搶手貨，但灰熊總經理華萊士日前講明：「我哋會傾盡全力同馬克加素續約，唔該對佢有興趣嘅球隊另覓人選啦！」
