渡海濠情:開心激情難以持續

比利時有大學做咗個調查,發現一般人遇上唔開心嘅事,唔開心嘅心情大約會持續五日左右,而開心嘅情緒就只能維持一日半左右,有時瞓醒覺返到公司就冇晒,嚟自利澳水療嘅香香就話:「難怪一返到公司就唔開心啦!」

嬲一星期

香香話:「我同男朋友嗌交每次都會嬲成個星期,所以佢哋喺我發緊脾氣嘅日子搵我道歉都好,我都係唔會理佢嘅,但如果佢喺嗌交第五、六日之後搵我,肯低聲下氣咁同我道歉嘅話,我就會答應原諒佢,但如果佢唔肯道歉嘅,隔咗一個星期之後,我肚裏面乜嘢火氣都冇晒,我就會乖乖向番男朋友道歉,有朋友勸我一係唔嬲,一嬲就要嬲耐啲,但隔得一個星期,真係乜嘢火都冇晒,勉強扮嬲都嬲唔出,所以男朋友唔知道我嘅脾氣都好,好似家陣呢個男朋友由於之前一直都係朋友,睇住我之前兩個男朋友點樣撞板,所以佢一同我嗌交,頭幾日完全冷戰,到第五、六日就開始用手機發短訊氹番我,一到第七日就再約我出嚟,我乜嘢唔開心都唔記得晒,即時就同佢鬼咁親熱添!」

時間好短

咁開心嘅心情,又係咪只維持到一日半咁短呢?香香話:「我覺得時間仲短啲添,好似星期日同男朋友去拍拖,跟手睇戲食飯,最後仲去埋時鐘酒店爆房,返到屋企點零鐘,心情仲係好興奮吓,到咗第二朝十二點幾起身時,嗰份激情感覺仲係幾高漲,但一到咗六點零鐘返到公司,一見到啲上司黑口黑面時,即時乜嘢興奮感覺都冇晒,你數一下廿四小時都未到呀!所以邊有一日半咁多吖?而開心時刻之所以咁短,主要係考慮現實生活嘅壓力,工作壓力同埋生活環境,真係會超影響大家嘅心情,你話日日唔使返工,只同男朋友卿卿我我,纏纏綿綿,過住王子同公主嘅童話生活當然開心啦!但一返回現實,美夢唔醒都唔得,惟有再等下個星期嘅約會啦!」

香香Profile  

年齡:22歲

三圍:34.5-24-35

撰文:小德

攝影:阿德