南華變陣求破「滌」之法

南華上周二晚「主場第一擊」，令球迷失望地以0比3不敵太陽飛馬，主力前鋒「陳7」陳肇麒更勇戰「甩骹」，今仗恐難上陣，令本來已「唔夠人使」的主帥楊正光，為今仗排陣更加頭痛，預期會由另一中鋒鄭禮騫「孭飛」；上仗因病未能跟足操練的謝家強相信會復任正選，與梁振邦肩負起中場掃蕩的重任。大敗一場後，球員信心難免受到影響，不過，「少林寺」陣中主力都身經百戰，隊長陳偉豪周二賽後就曾透Facebook表示：「我！狀態不足，導致球隊開季表現唔理想，呢個係一個事實！但係着得起件紅衫我就會敢於面對，錯就要認！大家睇住嚟，我好快就返嚟！」

不過，南華要反彈相信會遇到不少阻力，因對手YFC澳滌被視為最有本事在列強爭標路上阻頭阻勢的奇兵，之前就曾作客將軍澳運動場令東方痛失2分，且看今日能否再搞到對手一頭煙！

黃大仙元朗再演地區打吡

同日另一仗，黃大仙會先在主場斧山道火併作客的天行元朗，兩隊剛在銀牌首圈賽事碰頭，該仗雙方都未有排出強陣下，結果由黃大仙贏2比1晉級。今重返港超聯戰場，雙方均精銳盡出，令這場「地區打吡戰」，戰況比上一次交手更激。