香港人對射擊比賽的集體回憶全部來自中國，例如1984年奧運為中國實現金牌零的突破，就係中國射擊選手許海峰，仲有96年奧運打槍打到要吸氧氣罩的王義夫，當然唔少得04雅典奧運的射擊美女杜麗。
實彈600元有交易
雖然射擊運動在香港有待發展，但無論任何年代的港孩，都一定玩過玩具槍，而明洞呢個射擊場，一律實彈射擊，收費亦唔算太貴，8萬韓圜（約600港元）有交易，場內由幾位退役軍官主持，着起避彈衣，戴上眼罩，咁就可以開槍喇。
玩具槍就玩得多，真槍實彈真係第一次玩，首次開槍的感覺實在很震撼，結果小弟射了27發，取得215分，其中一槍命中紅心，成績唔差架。
馬田＠仁川 亞運手記