渡海濠情：內衣挑情 誘惑提升
美國有位女設計師設計咗一套發光內衣，只要喺漆黑中用手觸碰內衣就會發出光芒，令女性身材更具誘惑，據講會令熱戀中嘅男女增添性趣，嚟自９號會所嘅曼妮就話：「咪睇小內衣嘅作用！」
信心十足
曼妮話：「一套街邊賣十零廿蚊嘅內衣，同埋名店賣成千幾二千蚊嘅內衣，出嚟嘅效果真係好唔同，好似我咁，十零廿蚊嘅內衣，平時着住喺屋企或者落街買嘢都冇所謂，但你一叫我去人多或者高級啲嘅地方，我真係接受唔到囉！成日都覺得畀人望住個胸，唔介意佢哋談論我嘅胸真假大細，最怕佢哋談論我個胸圍係咪街邊貨，會搞到周身都唔舒服，所以我一去啲大場面，我一定換套千零兩千蚊，仲要係最新款嘅內衣，一着出嚟自信心返晒嚟，個胸都挺得高啲，就算有人望住我個胸竊竊私語，都係談論緊我嘅胸圍款式，覺得我好時尚或者好花得起錢買內衣，所以人要衣裝真係講得好啱！」
反應不同
除咗自己心理好過啲，男朋友又有乜嘢反應呢？曼妮話：「我男朋友啲反應先至最誇張，如果我着啲平價內衣，就算瞓喺佢隔籬，佢都會冇喱反應，成晚都係玩佢自己部手機，但如果我換套貴少少嘅內衣，佢開始會留意吓你，但都係機不離手，但如果你換套貴價內衣，佢哋馬上把手機放埋一邊，而且手多多咁搞搞震，你撥開佢對手，佢哋又會馬上再摸過嚟，好似啲烏蠅咁趕極都趕唔走，當佢哋搞到我有生理需要時，佢哋就會特別落力滿足我嘅需要，當我徹底滿足過後，咪以為就會冇事，只要再着番套內衣，又會挑起佢哋嘅慾望，總之成晚都唔使瞓，最後攰到乜都唔着就瞓，反而就冇事，畀我一覺瞓到天光，所以想性生活愉快，姊妹們嘅內衣真係好重要呀！」
撰文：小德
攝影：阿昌