亞運手記：仁川登陸 我都有份

當地人解畫，仁川大部分土地都是填海得來，例如主新聞中心一帶以前就是一片大海，現在發展成到處高樓大廈的商業旺區，至於仁川機場亦在海邊興建，港人去首爾旅行都係飛仁川機場，然後坐車去首爾玩。

講到仁川登陸，原來小弟抵達仁川當日，即係9月15日，正正是「仁川登陸」64周年紀念，當日官方仲有紀念活動，而且發生些少政治摩擦，北韓指摘南韓搞紀念活動與亞運有關，南韓當然例牌否認，小弟在當日來到仁川，亦成為仁川登陸一分子。

帥哥當兵荷槍實彈

有關韓戰事件，大家上網好易查到，講番仁川亞運現場，發現四處都布置唔少軍警同裝甲車，當然是荷槍實彈，事關所有南韓人都要服兵役，好似玄彬、都教授同阿Rain等靚仔韓星都要當兵，仲要隨時準備作戰，小弟見選手村兩位大兵咁有型，都忍唔住同佢哋影番張相留念。

馬田＠仁川