傑志入決賽叫胡

巴倫古素（左）今場為傑志在前線製造唔少威脅。

這場亞洲足協盃四強首回合大戰，原定於較夜時間上演，但由於球場的燈光照明系統出現問題，比賽提前至當地下午、即本港時間昨晚九時開波。

伊拉克勁旅阿比爾開波後立刻壓着傑志來攻，其中之前三場淘汰賽均有士哥的「10號仔」拿迪希非常活躍，不斷製造殺機，開賽僅10分鐘，這名伊拉克國腳左扭右扣擺脫傑志後衞，可惜起腳遭門將王振鵬沒收，之後拿迪希再於禁區外遠射斜出。20分鐘傑志由佐迪策動反擊，但巴倫古素的入楔來遲半步。

巴倫古素12碼扳平

易邊後傑志中場林嘉緯於右路開出角球，門前混戰下幾乎導致阿軍球員擺烏龍，只是中楣彈出，結果於59分鐘被阿比爾偷襲得手打破僵局。好彩9分鐘後，阿比爾守將於禁區內犯手球，由巴倫古素主射12碼扳成1比1，取得他今屆亞協盃的第十一個入波之餘，亦係一個寶貴作客入球，就算次回合返主場旺角球場打和0比0，亦可憑作客入球優惠晉級，成為首支殺入決賽的香港球隊。

傑志隊長盧均宜（右）賽前與阿爾比代表先禮後兵。

高文（左）夠晒搏命，為傑志助攻助守。