重臨仁川處處大興土木

小記對上一次到南韓採訪體育賽事已經係12年前，當年南韓同日本合辦世界盃，小弟在南韓逗留超過5個星期，見證南韓殺入四強的經典場面。

當年仁川建設不算先進，今次重臨舊地，所到之處四圍都在大興土木，處處可見新樓盤，證明亞運對這個城市的建設確有帶動作用。

態度謙卑認真採訪

講番今次採訪任務，拍住「金牌記者」（簡稱肥金）司徒出擊，既要搶新聞直擊金牌誕生，同時亦會帶大家領略南韓風土人情，仲要睇實阿彭生仲有冇新搞作，未來3星期將會非常忙碌。

無論做過幾多次大賽，今次仁川之旅小弟都會懷住謙卑得嚟又認真的態度，同廣大東網擁躉分享賽事點滴。