馬刺領先3:1冠軍在望

熱火主場對馬刺的Game4開打前，適逢舉行世界盃揭幕戰。勒邦占士賽前在更衣室接受訪問時，自爆同兩個囝囝睇住巴西反勝克羅地亞，仲話兩個小朋友係尼馬「粉絲」，見到佢入波好開心；「大帝」同時指擺烏龍嘅馬些路係「嗰條友」，巴西差啲畀佢搞死。

高命中率令熱火無符

「森巴軍團」揭幕戰旗開得勝，但熱火在Game4卻再遇打擊。勒邦占士雖攻入全場最高的28分，更曾於第三節狂轟19分，可惜其他隊友表現低迷，面對今場投射命中率高達57.1%的馬刺，最終以86比107不敵對手，總場數落後至1比3，下仗作客馬刺再輸就可以宣布「玩完」。

NBA總決賽歷史上沒有球隊能於落後1比3後能夠連贏3場奪冠，最極限的是1951年的紐約人及1966年的湖人，兩隊當時都將總決賽拖到打第7場，但始終仍無緣冠軍。

接下來一仗將於馬刺主場舉行，熱火想要複製紐約人和湖人的奇迹，將系列賽拖到第7場，難度實在甚高。始終現階段熱火對馬刺高效率進攻顯得完全冇辦法，想要反勝奪冠實在難上加難。