籃總名人隊再同阿Sir拗手瓜
至於5月25日上演嘅另一場表演賽，由籃總名人邀請隊對警察籃球大使隊，去年籃總隊向警察隊「阿Sir」挑戰成功，今年籃總名人邀請隊派出陳瑞添、呂漢國、陳少煌、吳啟洪、黃偉鴻、莫耀強、呂少文、王丹等籃球圈幕後猛人，加上福建男籃現役成員鄭錦興、張偉康、劉子禮、司徒偉傑等，力圖再贏呢場牙骹戰。
警察籃球大使隊高手雲集
一眾「阿Sir」訓練有素，體能尤其弗爆，警察籃球大使隊主力成員包括李敬倫、陳守健、葉智達等前甲一球員組成，配合鍾兆揚、林振名、周德財、林鴻釧、馬信光、梁仲文、蔡偉森、周志鈞、梁國榮、劉錦斌、陳冠英、彭志榮、韓旭健及陳勇等好波之人，加上信興集團成員亦會為呢支Panasonic邀請隊披甲，相信佢哋將與籃總合演一場鬥智鬥技、及友誼第一嘅精彩賽事。
Panasonic學界籃球邀請賽由5月23至25日回歸麥花臣舉行，免費憑票入場（現場亦有少量門票派發），現場仲有福袋送畀大家，但座位有限，先到先得，球迷記住早啲入場霸位喇！