雷阿倫送別禮助熱火晉級
熱火昨仗主場以96比94擊敗籃網，以總場數4比1晉級，球隊於最後一節曾一度落後8分，憑住一波12比0的攻勢反超前獲勝。雷阿倫（Ray Allen）貢獻其中5分，包括完場前32秒的一記反超前3分球， 他以此送別兩位昔日舊隊友加納特（Kevin Garnett）及皮雅斯（Paul Pierce）。
今輪系列賽，雷阿倫在熱火贏波的4場皆取雙位數得分，如果說這裏沒有和加納特與皮雅斯的恩怨，相信沒有人會認同。事實上，「雷神」幾天前接受訪問時曾表示：「我同加納特已經2年冇講過嘢，我主動同佢打招呼，但佢冇理我。」
雷阿倫今仗首6次出手皆未有命中，但於完場前32秒命中關鍵3分球，其後兩罰得手，不僅助熱火鎖定東岸決賽席位，更重要的是送別兩位昔日塞爾特人舊戰友。賽前有消息指加納特將於賽季結束後退役，難怪他賽後更向球證拿走比賽用的籃球作紀念。而NBA東岸決賽賽程已經出爐，如溜馬今早淘汰巫師晉級，溜馬對熱火的東岸決賽最快於香港時間5月19日凌晨3時30分開打，地點將於溜馬主場。
馬刺再勝淘汰拓荒者
另外，馬刺雖有柏加（Tony Parker）只打了10分鐘就因為左腿肌肉疼痛返回更衣室休養，但憑一眾後備球員出色的表現，助球隊以104比82大炒拓荒者，總場數贏4比1晉級西岸決賽。馬刺發言人賽後表示，柏加傷勢並不嚴重，提前休息只係安全起見，不會影響其出戰餘下的賽事。