衣櫃藏蛇嚇窒拓荒者
更衣室「衣櫃藏蛇」嚇到拓荒者腳仔軟！拓荒者昨天作客馬刺第2回合前，驚嚇發現一條3至4呎長的大蛇，一班球員被嚇到「魂魄唔齊」，最後作客以97比114落敗，總場數以0比2落後，陷入劣勢。東岸方面，熱火主場以94比82再次破「網」，總場數以2比0領先籃網，力爭連續兩輪直落4場橫掃對手晉級。
拓荒者教練史葛斯（Terry Stotts）賽前談及更衣室出現大蛇時說：「喺自己更衣室出現一條大毒蛇，見到都得人驚。我唔知以前有冇發生過，聽落似係ABA（全美職業籃球聯賽）先會發生嘅古仔。」雖然史葛斯未有親眼目睹，但他指這條有3至4呎長的蛇疑似是響尾蛇。至於發現衣櫃有蛇的湯馬士羅拔臣（Thomas Robinson），就稱所有人見到自己衣櫃裏有蛇時都嚇了一驚，而莫威廉士（Mo Williams）更將照片放上Instagram。
雖然未知這條蛇是否馬刺職員放入敵方更衣室，但明顯拓荒者球員已經被嚇到「魂魄唔齊」，最終以17分不敵外圍命中率高達6成的馬刺。史葛斯被問及有蛇出現在自己更衣室，是否壞徵兆，但這位教練面對落後兩場劣勢仍然樂觀：「可能係好事呢，好彩我哋冇人因此受傷。」可惜拓荒者最終都要敗北。
熱火破網季後賽6連勝
東岸方面，熱火憑勒邦占士（LeBron James）攻入22分，以94比82大炒籃網，今屆季後賽展開至今已連贏6場，下仗移師布魯克林作客籃網。
（now 635周日早上8時直播）