渡海濠情：派對舞伴價高者得
踏入5月美國好多高中生都快將畢業，而畢業舞會亦為佢哋準備就緒，男生們要搵舞伴，可以話各出奇謀，有人竟為心儀已久嘅舞伴大打出手，最後仲出刀仔傷人，而嚟自9號會所嘅漫漫就話：「後生仔！咪咁衝動！」
服裝贊助
漫漫話：「我讀高中時冇乜嘢畢業舞會，但每年臨近暑假期間，我哋都會自己辦一啲聯歡派對，所以一踏入學期尾，樣子稍好嘅女同學，就會忙住畀人邀約，好似我班姊妹咁，當年閒閒哋都有十個八個男生爭住約，但人就只得一個，有時順得哥情就會失嫂意，搞到我哋啲女同學好難抉擇，但我就冇呢種煩惱，事關我諗到『派對服裝贊助計劃』，只要邊個男生出得起錢贊助我當晚派對嘅服裝飾物，我就同邊個出席，大家公平競爭又唔會傷感情！」
跑車出動
咁以價錢最高，定最喜歡為標準呢？漫漫話：「兩個標準我都會用，為咗公平起見，我會分兩輪嚟甄選，先要佢哋每人為我準備定晚裝同相關配件，例如飾物、手袋同高踭鞋等，我會從十多套中先挑最貴重嘅三套，然後從中再挑選最適合我着嘅一套，勝出者自然就成為我嘅舞伴啦！由於公平競爭，所以約唔到我嘅男生都唔會有怨言，更冇話打打殺殺嘅情況出現，記得最後一年，有個男生仲出動埋數百萬嘅跑車嚟接送我添！你話唔揀佢仲揀邊個？」
漫漫Profile
年齡：20歲
三圍：34-24-34
撰文：小德
攝影：阿德