近年大家都好關注運動創傷呢個課題，從而發展到好多衍生出嚟嘅產品，甚麼緊身褲，甚麼肌肉貼等等，都可以話能夠防止受傷，提升運動效能。有新嘢試，我梗係第一時間做吓白老鼠啦！小弟其實好鐘意着緊身褲打底，因為除咗可以保暖之外，又真係可以提升肌肉嘅彈性，可以話一舉幾得。
至於另一種產品肌肉貼（Tape），其實我前幾年開始用喇，由最初網上睇教學，到依家全港有不同專業人士提供課程教授，真係愈來愈普遍，而且肌肉貼嘅牌子、款式又多，花多眼亂，要揀一個好嘅Tape真係好重要，因為唔同彈性，剪裁同黏貼度會有不同程度嘅效用，所以等我呢個資深用家介紹好用嘅畀大家啦！
由於Taping又係Sport fashion嘅一種，肌肉貼始祖KT Tape，針對運動員設計，彈性及黏貼力都好好，亦出咗好多唔同顏色，兼且研發咗人造纖維達到完全防水嘅Tape，絕對係我哋呢啲水上人恩物，打完一場水球比賽都無甩過吖！顏色款式其次，最重要係功能！運動係一種表演，有好配套先可以發揮最好，係咪？
天生運動狂，前亞運游泳香港隊「水霸王」