保羅佐治希拔為女反目
自踏入3月份後，溜馬的狀態跌Watt，不少球迷都想問溜馬究竟發生什麼事？根據之前多宗的報道，溜馬似乎存在內訌的問題，但真正內訌者是誰及為甚麼會內訌呢？據悉，溜馬兩大主將保羅佐治（Paul George）同希拔（Roy Hibbert）因為玩3P而鬧翻！
據美媒《Page Q Sports》從多位接近溜馬身邊的人士得到消息，球隊近來陷入低迷，主要原因係隊中兩大球星因為床事而鬧翻。據一位高度可靠知情人士透露：「希拔同保羅佐治喺3月3日擊敗爵士後，同一個叫Dixie嘅追星女子玩咗次3P，玩到最後佢哋竟然嘈起上嚟喊又鬧，最終仲反埋面添，成隊都因為佢哋嘅不和而跌晒Watt。」溜馬自3月份開始成績滑落，與爆料者提及的時間非常脗合。
另外，一名疑似係溜馬大前鋒大衞韋斯（David West）的球員爆料，指保羅佐治同希拔依家關係非常差：「佢哋兩個都睇對方唔順眼，當然更加唔使講話喺球場上面互相傳球。佢哋應該要似番個男人，因為呢啲事情總會發生。」
主力休戰仍險勝公鹿
溜馬現時正設法解決問題，試圖緩和隊內的緊張氣氛，主帥禾高（Frank Vogel）更給球隊放假，希望球員們小休後重拾狀態。溜馬昨仗作客公鹿雖讓五位主力全部休息，但球隊仍以104比102險勝對手成功終止連敗，更藉同日熱火客場不敵灰熊重奪東岸第一位置。不過，溜馬主帥禾高賽後表示，今仗休息的五位正選球員，明日作客對熱火時將會回歸。
（now 635周六早上7時30分直播）