撒力菲教學生欖球技巧
今次賽事特別設立的HK Fan Zone，昨日率先舉行了一次「欖球速成班」，邀請到斐濟名宿撒力菲親自即場開班。撒力菲雖然已退役多年，但很樂意為欖球這項運動出一分力，他於活動中指導過百名中、小學生欖球技巧。
力撐祖國封王
撒力菲受訪時笑言：「冇欖球就冇我撒力菲，所以我就算退役後都一樣會為呢項運動作出貢獻。我細個時冇好嘅教練指導，訓練都係靠自己，所以我希望盡一點綿力，特別想去教一啲冇受過正統訓練嘅小朋友，希望可以培養佢哋打欖球嘅興趣。」撒力菲同時指出，這個星期日是斐濟的傳統節日，如果國家隊能夠在香港站賽事封王，對他們來說將會是一份最好的禮物。
