白俄金牌天后竟係女間諜
索契冬奧冬季兩項今屆就彈出個「金牌天后」，白俄羅斯的27歲美女多姆拉捷娃（Darya Domracheva）表現出色連奪三金，就連白俄總統盧卡申科都大讚，仲頒個國家最高榮譽的「白俄羅斯英雄」獎給她，認真威水。
冬奧隊中多KGB
不過咁都未算精彩，事關有傳媒大爆，話多姆拉捷娃其實仲身負一個「三金密令」，事關多姆拉捷娃係來自白俄國安局KGB的間諜。白俄靚女加間諜再搭冬奧，題材夠晒奇情，直頭好似拍緊鐵金剛一樣！報道仲話，其實白俄羅斯的冬奧隊伍，大多數都係國安局一分子，今次多姆拉捷娃贏三金，睇怕將來於國安局都會「步步高升」。