CBA季後賽展開，有「港籃」羅意庭在陣嘅福建隊未能打入季後賽，令人失望。至於四川隊雖有亞洲最強中鋒、伊朗夏達迪壓陣，但佢曾受傷影響成績，最終亦同季後賽無緣。
CBA季後賽已於昨晚開打，今晚會有衞冕冠軍廣東隊以首號種子身子面對8號種子上海隊，筆者認為呢個對碰充滿冷味。筆者觀察過曾効力76人及雷霆嘅廣東新援艾維，發現佢係守強攻弱，加上可能因加盟時間尚短，同其他隊友未夾到，筆者擔心會對廣東隊造成影響。而且CBA季後賽首圈賽制係「1-2-1-1」的5盤3勝制，即係上海隊先主場，咁安排亦有利製造爆冷賽果。（有線62台周三晚7時15分直播）
至於另外三個對碰，以4號種子北京對5號種子廣廈最勢均力敵。北京隊有前NBA巨星馬貝利領軍，但廣夏亦有中華台北球員林志傑在陣。林志傑喺早前亞洲賽曾以一己之力擊敗中國，令後者無緣出席今屆世界盃籃球賽，筆者相信呢個對碰將會好精彩。至於其餘兩個對碰，筆者睇好2號種子新疆可以擊敗7號種子遼寧，而3號種子東莞亦可順利挫敗6號種子天津。