艾榮膺MVP騰晒雞

勒邦占士（左）飛身上籃，有台型有功架。（法新社圖片）

格芬刷新入球紀錄

作為一年一度的表演賽，今年在新奧爾良舉行的明星賽前三節玩味性質較重，到第4節雙方終於認真，最終東岸在高比拜仁（Kobe Bryant）及姚明等巨星前，以破得分總和紀錄的163比155擊敗西岸明星隊，一洗連輸三年的頹風。雖然西岸有杜蘭特（Kevin Durant）及格芬（Blake Griffin）均攻入38分，後者更射入19球刷新明星賽紀錄，但Uncle Drew貢獻31分、14次助攻，包括下半場狂轟24分，成為東岸贏波功臣。他的表現獲球迷肯定，最終擊敗攻入22分的占士成為MVP。

受寵若驚的艾榮接過獎座後未捧盃就接受訪問，一班巨星前輩即時提點他要舉盃過頭，好讓球迷見到獎座。事後被問到捧盃手勢生疏一事，艾榮笑說：「其實係大家一齊出聲提我，做球星係點樣捧盃啫！」他稱自己不在乎誰獲選MVP：「其實我做唔做到MVP都冇所謂，我比較在乎喺明星賽之後可唔可以保持一樣嘅高水準，幫騎士贏波比較重要。」勒邦占士即時「扮大佬」稱自己一向睇好艾榮：「我一向都知艾榮好波，好高興佢奪得MVP，我為佢感到驕傲！」

代表西岸嘅格芬今場過足大力入樽癮，好似同個籃框有仇。（美聯社圖片）	雷霆球星杜蘭特（左）無視諾亞出手攔截。（美聯社圖片）	NBA賽程表 (香港時間)

• 全明星賽戰果

老薑標羅素寸爆占士

另外，明星賽中場休息時，名宿「魔術手」莊遜（Earvin Johnson）帶領全場大合唱，為上周三迎來80歲大壽的名將標羅素（Bill Russell）獻上生日歌。東、西岸兩隊球員其後逐一向標羅素道賀。據指當占士與標羅素握手時，後者重提早前占士自比NBA最偉大的四名球員之一，將標羅素排除在外一事。標羅素狂寸占士：「多謝你冇將我放喺你個名單入面，籃球係團體運動，個人榮譽一啲都唔重要。我職業生涯一共贏咗11次總冠軍，占士先生，呢一切都刻喺歷史入面。」