去參觀香港最大的室內滑雪場，介紹完裝備，肯定要親身經歷一下滑雪的滋味啦！我之前從未有機會嘗試滑雪，所以真的非常興奮，嘩！去啦！
他們安排了一個專業的滑雪教練Chris給我，喺呢度一堂課中，教練會從basic教起，由揀boot、skiis 到去一個人造斜坡教你行上山，教練Chris好細心教我，希望我能盡快掌握基本技術。佢又提到，滑雪最常用的技術係利用板邊壓雪，因為無論煞停，轉向，上山都係靠佢，所以只要學好呢種技術，咁就容易掌握好多。
一堂一小時的課對我這位「水上人」來說真的很辛苦，除咗籃球、足球我識玩之外，基本上係廢廢地，所以我呢個初哥真係教到教練嘔血，哈哈哈！滑雪講求腰馬合一，下盤同腳要穩，先至可以靈活地向前，左右，同埋停。滑雪比我想像中難，經過一小時的堂，我終於掌握到好基本嘅技術，不過對腳已經係累到無晒知覺了！
之後我決定休息，睇下教練表演，嘩！好PRO！左、右、左、右，向下衝、再上、再左右擺動，好勁！教練話一般來講，初學者大概要2至3堂就可以掌握到基本技術，然後要經過實戰同練習去進步，到達另一個層次。
鍾國樑（Alex）
天生運動狂，亞運游泳香港隊「水霸王」