拆熱火西岸剋星招牌

勇士今場一開波就「着晒火」，球隊首13次起手只係射失兩球，到第三節更變成史堤芬居里的「個人騷」，獨取全場36分中的14分，難怪今仗有22分進帳的「閃電俠」韋迪（Dwyane Wade）賽後表示：「我哋面對史堤芬居里真係乜嘢都做唔到，只能祈禱他射失啦！」

憑住史堤芬居里第三節的出色表現，勇士最終以9分之差力挫熱火，令後者主場對西岸球隊的15連勝走勢斷纜，全場失123分也是熱火今季主場的法定比賽時間最高紀錄。

占士仆親 新鞋甩色

勇士教練麥克積遜賽後為上季落選西岸全明星隊的史堤芬居里拉票：「佢嘅表現真係令人嘆為觀止，如果佢再次落選全明星賽，我就退休！」至於熱火「大帝」勒邦占士（LeBron James）今仗表現平平，比賽中更出現滑倒的情形令地板留下兩道球鞋甩色痕迹，就算如何清潔都無濟於事。輸波的熱火明早將作客魔術，自然希望贏波挽回面子。

（周日早上8時開賽）