香港大「泥」場上榜 BBC年度體壇圖片

英國廣播公司BBC昨公布咗2013年度體壇圖片，19張相中包括香港大球場舉行英超挑戰盃時，尼格度伏在大爛地「食泥」一幕。大球場上年夏天「出盡風頭」，滿布泥濘嘅大爛地喺英超挑戰賽期間成為「國際笑柄」，曼城在決賽1比0贏新特蘭時就出現了尼格度「食泥」的震撼場面。其餘上榜圖片並包括梅萊咀溫布頓獎盃、MotoGP總冠軍馬昆斯接受車迷祝賀、劉易斯為巴爾的摩烏鴉喺超級碗打告別戰等。