渡海濠情：假裝斯文扮淑女
大家心目中，女生就讀女校，應該學習到淑女般嘅教養，但往往事與願違，最近日本有媒體做咗個調查，話女校嘅學生一啲都唔淑女，而嚟自十八桑拿嘅詩詩就話，好彩佢讀嘅係男女校啫！
笑到面黃
詩詩話：「我都有讀到呢條新聞，話女生喺學校，因為冇男生嘅關係，行為會更加粗魯，例如當眾挖鼻屎，擘開大髀坐等都當閒事，而且玩得興起，仲會彈其他人嘅胸圍帶，我讀書時都算係個壞學生，但都冇玩得咁過分，因為學校任何地方有男生(目及)住，所以就算好粗魯，都要假裝一下，如果唔係做出啲粗魯嘅動作實會被人笑到面黃，本來畀男生笑吓都冇所謂，但學校裏面總有啲靚仔，只係唔想畀佢知道自己嘅瘀嘢！」
無心向學
少女情懷總是詩，所以就要強裝斯文！詩詩話：「事實上你同男生一齊，你點粗魯都唔夠啲男生厲害，你係要粗魯反成為全班取笑對象，所以不如控制吓自己，齊齊笑番啲男生好過，而且自己斯文一啲，就會變得更有味道，追求你嘅人都會多啲，我就係學識忍，所以讀書時狂蜂浪蝶一大堆，搞到我無心向學，如果唔係醫師律師都做到，好在最後自己暗戀嘅靚仔都有出手，我當然唔放過佢，佢嘅第一次就係咁畀咗我！」
撰文：小德
攝影：阿程