近日香港氣溫急降至單位數，但地球嘅另一邊澳洲就正值炎夏，早排因傷休戰嘅俄羅斯網球天后舒拉寶娃，已經抵達布里斯班備戰新球季，睇吓寶娃一身Deep V小背心加短褲嘅打扮，就知道當地氣溫有幾熱。唔知係咪因為受傷抖咗太耐，寶娃一落到場練波就搏晒命，點知練咗一陣就要坐低畀治療師按摩膊頭，話晒球季仲漫長，未好番就咪頂硬上，千祈唔好落力過頭又整親呀！