李靜教湊仔氹阿帖復出
港協暨奧委會昨日為於天津東亞運共贏得10金、16銀、30銅的香港代表團舉行祝捷會，大部分獎牌運動員都有出席。乒乓球隊今屆獲得男、女團兩面銅牌，但更令大家開心就是男隊成員唐鵬及帖雅娜的愛情結晶於日前出世，女隊教練李靜笑言要教二人湊仔心得。
「首先當然要恭喜佢哋！記得當年我做老竇，第一日爭住湊女，點知因為太攰而瞓着，好彩後來有護士幫手。」李靜又表示，十分支持「阿帖」日後復出：「阿帖幾時復出現時大家都唔知道，但佢始終係頂樑柱，港隊仍然好需要佢。其實唔少球手生完BB都復出，包括柳絮飛同李佳薇等，我都等住阿帖再戰江湖。」世界排名升上個人新高第23位的女將李皓晴，則坦言過了豐收的2013年，期望來年可打入Top 15及爭得亞運獎牌。