WTA官網日前進行選舉，吸引咗超過8萬球迷參與今次嘅投票活動，結果波蘭球手華雲絲嘉連續三年成為球迷票選最受歡迎嘅WTA球員，呢位波蘭索女年中為雜誌影咗輯索爆性感相，咁識谷人氣梗係贏得有道理。
而舒拉寶娃就連攞最受球迷歡迎twitter及Facebook戶口兩個獎項。至於台灣好手謝淑薇同中國球手彭帥搭檔嘅人氣組合，原本係最受球迷歡迎雙打大熱，可惜最終輸畀今年法網冠軍、俄羅斯組合馬卡露娃同雲絲蓮娜。
最受歡迎單打球員：華雲絲嘉
最受歡迎雙打組合：馬卡露娃／雲絲蓮娜
最受歡迎twitter戶口：舒拉寶娃
最受歡迎Facebook戶口：舒拉寶娃