美傳媒《Mediamass》昨日話「引述」《華盛頓日報》消息，指火箭控衞林書豪已經低調結婚，仲話呢位哈佛大學畢業嘅25歲「筍盤」同「女友」喺一個秘密地方，及少數親友見證下完成婚禮，而J.Lin近日更被發現戴上新戒指！
不過《華盛頓日報》根本冇呢單報道，《Mediamass》隨後又話「呢單消息好似錯咗喎」，擺明亂寫博出位，真係嚇咗J.Lin班女粉絲一跳。其實作為虔誠基督徒嘅J.Lin感情生活一向好低調，究竟依家有冇女友？真的只有佢自己先知。