因為一句「占士夏登（James Harden）應該取代韋迪（Dwyane Wade）進入聯盟前10」，杜蘭特（Kevin Durant）不僅和韋迪展開一場口水戰，同時亦引起大批熱火球迷的憤怒和不滿。不過，杜蘭特近日接受NBC體育獨家訪問時，坦言自己忘記曾講過那句說話（夏登應該取代韋迪的位置），直到翻閱自己的twitter才知發生咁大件事。
雖然搞出軒然大波，但杜蘭特依然堅持自己的觀點：「我無意對韋迪不敬，我嘅意思係佢應該交棒畀占士夏登呢種後輩，我認為呢個只係個人觀點。無論發生任何事，我都唔會改變我嘅立場同觀點，因此我依然會揀占士夏登。」
9月29日係杜蘭特的生日，好友勒邦占士專登發twitter祝賀前者生日快樂，看來他們的友誼絲毫沒有受到杜蘭特和韋迪的罵戰所影響。不過，有報道指「大帝」此舉係想淡化兩人的爭拗。