配合適當髮型效果更好

首先講下佢嘅膚色有啲偏黑，所以眼窩位我揀左啡金色系眼影做配襯。至於髮型方面，因為佢本身頭髮比較薄，放曬落嚟無咁好睇，我為佢中間嘅頭髮夾咗俗稱粟米嘅小波浪紋，達致小小蓬鬆效果，令整體髮型更立體、有層次感。

另外，雖然佢平時係左邊分界，但我依家將佢撥去右邊，咁就可以隱藏咗眉毛有小小瑕疵，令妝容更加完美。安儀話我知佢怕劉海遮眼會阻擋視野無咁方便，於是我幫佢將前面頭髮打個圈撥上頭頂，咁嘅造型除咗比較清爽外，亦都令臉形睇上去更修長！」