鋪定後路修讀會計
雖然香港桌球界人材輩出，又喺多個世界性賽事獲獎無數，但自從呢個項目暫時喺亞運被剔除後，唔少桌球好手都諗定後路。
更珍惜練波時間
安儀都唔例外：「雖然桌球啱啱先喺體院精英項目『續約』多4年，但4年後又點算呢？如果到時桌球被剔出精英項目外，咁做全職運動員就等同即時失業，所以都要為自己做定打算。自己17歲嗰年中五畢業後就全職打波，但兩年前20歲時知道桌球被剔出亞運，我就決定重返校園讀基礎文憑，今年仲可升讀高級文憑修讀會計，呢一切都為將來做會計師著想！」
不過，安儀話重返校園後，最大得着係令自己更渴望打桌球：「要兼顧打波同讀書好困難，基本上為咗比賽，我起碼要走一半嘅堂，但我會努力補番。由於時間唔夠用，反而令我更珍惜能夠練波嘅時間，更認真去做好每一步。」