盧惠光：初見面驚為天人
今次拳賽由打星盧惠光與香港泰拳理事會會長陳文義攜手主辦，兩人早前到泰國物色拳手，一見到羅蘭妮即時「驚為天人」，見慣美女嘅盧惠光當初反應係：「佢真係泰拳手？我仲以為係Model，後來先知道，羅蘭妮係泰拳52至57公斤級拳后。」
技術高超 絕不錫身
陳文義年輕時係拳王，現時係香港泰拳理事會及鐵虎泰拳會會長，「義哥」大讚羅蘭妮係堅料：「羅蘭妮身體條件好，技術高超，睇佢打拳係一種享受，最難得係唔錫身，女仔個個都貪靚，但佢就完全唔怕畀人打到口腫面腫。」
「THE ONE世界拳王終極之戰」仲有多場拳王大戰，包括香港「狂龍」莊瑞標對泰國諾彭JR、泰國「泰霸」龍百勁對意大利拳王Alessio、泰國「肘王」中華豹對日本人氣拳王中村敏射、香港「笑面女拳王」曾慧英對泰國沙曼、香港李偉豪對伊朗Behzad、泰國KOMARK對伊朗鴨都拉希等等。
賽事於七月三十日假九龍灣國際展貿中心舉行，票價分$1,000、$800、$600、$400、$300、$200，電話31288288，網址：www.hkticketing.com。